1. Os titulares dos establecementos adicados a espectáculo público ou actividade recreativa que dispoñan da preceptiva licencia de apertura e posta en funcionamento, ou se encontre en tramitación na data de entrada en vigor desta Ordenanza, disporán dun período de seis meses, a partir da súa vixencia, para presentar solicitude de adaptación ás previsións da presente perante o Concello, nas que se reflictan as medidas correctoras necesarias para garantir e cumprimenta-los niveis máximos de emisión e transmisión sonora e de vibracións. Neste suposto presentarán un proxecto no que se aprecie a necesidade de modificación das instalacións ou elementos constructivos ou se non se necesita modificación das establecidas na normativa.
2. Si do exame da documentación presentada resultase a imposibilidade material de axustarse ás condicións establecidas nas presentes normas ou resultare antieconómica, o Concello podería outorgar autorización de funcionamento establecendo limitacións máis severas no funcionamento da actividade co obxecto de que non se produzan molestias.
3. En calquera caso no prazo máximo de ano e medio, deberán estar executadas e facerse efectivas as medidas correctoras ás que se refire o primeiro parágrafo da presente Disposicion Transitoria e tales actividades terán que estar plenamente axustadas en tal prazo ás condicións establecidas nesta Ordenanza.
4. A superficie mínima a que se fai referencia no artigo 39 para este tipo de establecementos será esixible a partir da entrada en vigor desta Ordenanza, se ben os autorizados con anterioridade ou en trámite non quedarán sometidos ó réxime de fora de ordenación para a actividade exclusivamente autorizada ou outra de espectáculo ou actividade recreativa considerada encadrada na mesma categoría ou inferior, isto é, similar ou menos noxenta, poidéndose facer obras de reforma, consolidación e conservación en xeral.

Neste suposto presentarán un proxecto no que se aprecie a necesidade de modificación das instalacións ou elementos constructivos ou se non se necesita modificación das establecidas na normativa.