Disposición Transitoria Primeira

Aquelas actividades ou instalacións que superen os niveis máximos de ruídos e vibracións previstos na presente ordenanza, disporán dun prazo de seis meses para adaptar os establecementos co fin de garantir en todo o respecto ós niveis autorizados. En todo caso, as actividades e instalacións existentes deberán cumprir as esixencias de funcionamento establecidas con anterioridade á entrada en vigor da ordenanza e as condicións que taxativamente establece a licencia.

Disposición Transitoria Segunda

Os establecementos públicos con licencia de actividade e instalación outorgada con anterioridade á entrada en vigor da mencionada ordenanza, adaptaranse ó disposto no artigo 16 nos casos seguintes:

1. Cando se realicen modificacións, ampliacións ou reformas que excedan ás obras de mera hixiene, ornato ou conservación.
2. Cando se tramita a licencia dos establecementos cun illamento inferior en máis de 5 dB (A) ó esixido no artigo 16 e se impuxese no ano inmediatamente anterior algunha sanción por incumprimento dos niveis de ruído ou vibracións.
3. Cando así se impoña como esixencia para reapertura dos establecementos clausurados por incumprimento dos niveis fixados na ordenanza e conforme ó procedemento establecido no Título V.